Kell Brýk: «Men Golovkınmen aqsha úshin aıqaspaımyn, men mýltımıllıonermin»
ASTANA. QazAqparat - IBF boıynsha orta salmaqtaǵy álem chempıony Kell Brýk eshqashan jeńilmegen Gennadıı Golovkınge qarsy rıngke aqsha úshin shyqpaǵanyn aıtty, dep jazady Sports.kz.
«Árıne, aqsha alǵan jaqsy, biraq men mýltımıllıonermin, sondyqtan bul aqshany da qalǵan qarajatyma qosamyn. Bul men úshin jańalyq emes. Men munda eń myqty boksshymen óz kúshimdi synap kórgim keledi. Jáne Golovkın jer betindegi eń joıqyn adam retinde tanylyp júr, ony salmaqtan tys úzdik boksshy dep ataıdy. Osy jekpe-jek arqyly men tanymaldylyqtyń ushar basyna shyǵamyn»,- dedi Brýk Sheffield Star basylymyna bergen suhbatynda.
