Kell Brýk: Golovkınniń áýselesin kórgim keledi
ASTANA. QazAqparat - Brıtandyq boksshy Kell Brýk qazaqstandyq Gennadıı Golovkınmen ótetin jekpe-jegi jaıly Sky Sports News HQ portalyna suhbat berdi, dep habarlady Sports.kz.
«Men orta salmaqta jekpe-jekke daıyndalǵanda, múldem ózgerip ketemin. Daıyndyq jumystary kezinde barynsha joǵary jetistikke qol jetkizý úshin paıdaly taǵamdardy kóp jeımin. Bul jekpe-jekte halyqty tańǵaldyrsam deımin. Golovkınniń deńgeıinde bolmasa da, meniń kúshim ǵalamat kóp. Mende kóńil qýantarlyq nátıje bar jáne jekpe-jekke deıingi ýaqytta óz qabiletimdi ushtaı túsemin.
Men eshkimnen qoryqpaımyn, ol kúni de qorqyp otyrý josparymda joq. Senbeıtin shyǵarsyzdar, biraq men Golovkınniń áýselesin kórýge asyǵyp otyrmyn. Tezirek rıngke shyǵýdy armandap júrmin. Bul - tarıhı aıqas. 147 fýnt salmaqta eshkim menimen kezdeskisi kelmeıdi, kezdeskisi kelgender ózderin tym asyra baǵalaıdy. Men óz kúshimdi kórsetýdi asyǵa kútip júrmin. Budan da joǵary salmaqta men múldem ózgeshe adammyn. Biz rıngke shyqpaı turyp, qalaı daıyndalýdy bilemiz. 10 qyrkúıek kúni biz búkil álemdi dúr silkindiremiz», - dedi K.Brýk.
