Kell Brýk: GGG-men bolǵan kezdesýden men kóp nárseni uqtym

ASTANA. QazAqparat - Gennadıı Golovkınniń (37-0, 33 KO) sońǵy qarsylasy Kell Brýk (36-1, 25 KO) qazaqstandyqpen bolǵan kezdesýdiń ózi úshin óte paıdaly bolǵandyǵyn moıyndady, dep habarlaıdy Sports.kz.

Matchroomboxing.com saıtyna bergen suhbatynda Brýk 27 mamyr kúni Sheffılde (Ulybrıtanııa) Errol Spenspen (21-0, 18 KO) bolatyn kezdesýine boljam jasady.

«Men Spensti jeńgim keledi. Odan soń qalǵan qarsylastarymdy tize búktirsem ba deımin. Eger ol jigit kezekti «alyptardyń» biri bolsa, onda bul jolǵy kezdesý boks jankúıerleriniń kóńilinen shyǵatyn aıqas bolady. Óıtkeni men osy joly soıqan salamyn. Men GGG kezdesýinen kóp nárseni uqtym. Ol kezde ony aldym qoıyp, esh qımylsyz qarap turyppyn. Men 147 fýntta eń úlken, eń jyldam ári eń myqty boksshymyn. Sondyqtan men endigi joly bárin yqtyramyn»,-dep málimdedi Brýk.

Aıta keteıik, Golovkın men Brýk 10 qyrkúıek kúni Londonda kezdesti. Gennadıı besinshi raýndta tehnıkalyq nokaýtpen jeńdi. Brıtanııalyq boksshynyń bapkeri Domınık Ingl sharshy alańǵa súlgi laqtyrdy. Óıtkeni onyń tálimgeriniń densaýlyǵyna aıtarlyqtaı qater tóngen edi.