Kelisimsiz bolashaq joq - N.Nazarbaev

ASTANA. QazAqparat - Kelisim bolmaǵan jerde bolashaq joq. Bul pikirdi búgin Astanadaǵy Táýelsizdik saraıynda ótken Indýstrııalandyrý kúni aıasyndaǵy jıyn barysynda Elbasy Nursultan Nazarbaev bildirdi.

Elbasy óz sózinde taıaýda ǵana Ýkraınaǵa jumys saparymen barǵanyn, bul elde jaýapsyz saıasatkerlerdiń kinásinen turaqtylyq buzylǵanyn basa aıtty.

«Bizder, qazaqstandyqtar úshin bul - úlken tańdaý. Tek kelisim, turaqtylyq jaǵdaıynda ǵana biz qazirgi jetistikterge qol jetkizdik. Olaı bolsa, ony saqtaı bileıik. Árbir qazaqstandyqqa: eger muny shaıqaltýǵa ári buzýǵa tyrysatyndar bolsa, onda biz olarǵa qazaqstandyq qoǵamnyń barsha qýatyn aýdarýymyz qajet. ıAǵnı, bastapqyda ekonomıka, al odan keıin saıasat ustanymy osy ýaqyt boıy jumys istep keldi, isteı de beretin bolady. Kelisim bolmaǵan jerde bolashaq joq», - dedi Elbasy.