Kelisimniń maqsaty qorshaǵan ortany qorǵaý men jol júrisi qaýipsizdiginiń joǵary deńgeıin qamtamasyz etýdi kózdeıdi
ASTANA. Qazannyń 14-i. QazAqparat - Úkimetten Májiliske «1968 jylǵy 8 qarashada Venada qol qoıý úshin ashyq Jol júrisi týraly konventsııany tolyqtyratyn Eýropalyq kelisimdi ratıfıkatsııalaý týraly» zań jobasy kelip tústi.
Zań jobasy avtomobıl tasymaldary salasynda halyqaralyq konventsııalardy jáne kelisimderdi ratıfıkatsııalaýy týraly Eýrazııalyq ekonomıkalyq qoǵamdastyq Memleketaralyq keńesiniń 2007 jylǵy 6 qazandaǵy sheshimine sáıkes ázirlendi.
Osyǵan baılanysty 1968 jylǵy 8 qarashada Venada qol qoıý úshin ashyq Jenevada 1971 jylǵy 1 mamyrda jasalǵan jol júrisi týraly konventsııany tolyqtyratyn Eýropalyq kelisimge qosylý boıynsha Qazaqstan Respýblıkasy sharalar qabyldaýda. Qazirgi ýaqytta 32 memleket Kelisimniń quramynda, onyń ishinde Belarýs jáne Reseı Federatsııasy.
Atalǵan Kelisimniń maqsaty qorshaǵan ortany qorǵaý men jol júrisi qaýipsizdiginiń joǵary deńgeıin qamtamasyz etý jáne Ýaǵdalasýshy taraptardyń jol júrisi erejelerin birdeılendirý bolyp tabylady.
Kelisimdi ratıfıkatsııalaý jol júrisi qaýipsizdigin qamtamasyz etetin kelisilgen jańa sapaly tehnologııalardy damytý, paıdalaný, tasymaldaý, TMD kólik júıesinde ekologııalyq, aqparattyq jáne ekonomıkalyq azııalyq jáne álemdik kóliktik júıelerdi TMD-ǵa múshe memleketteriniń kóliktik júıe ıntegratsııa jaǵdaıynda qamtamasyz etýi kelisilgen.
Kelisimdi ratıfıkatsııalaý Qazaqstan Respýblıkasynda jol júrisi qaýipsizdigi men halyqaralyq standarttarǵa sáıkes kólik quraldarynyń ekologııalyq talaptaryn saqtaýǵa yqpalyn tıgizedi.
Kelisimdi ratıfıkatsııalaý týraly usynys Qazaqstan Respýblıkasynyń halyqaralyq uıymdarmen yqtymaqtasý máseleleri jónindegi komıssııasysynyń 32-shi otyrysynda 2010 jylǵy 29 naýryzda maquldandy.
Bul zań jobasy boıynsha Májilistiń Halyqaralyq ister, qorǵanys jáne qaýipsizdik komıteti jumys tobyn quryp, qorytyndy ázirleıdi.
