Kelisimge sáıkes, Reseı «Proton» qulaǵan aýdannyń topyraǵy men qorshaǵan ortasyn tazalaý shyǵyndaryn óteýi tıis

ASTANA. 10 shilde. QazAqparat - Búgin «Baıqońyr» kesheni boıynsha Úkimetaralyq reseılik-qazaqstandyq komıssııa janynan qurylǵan jumys komıssııasy otyrysynyń qorytyndysy boıynsha «Proton» zymyran tasymaldaǵyshynyń qulaýyna qatysty máselelerdi ekijaqtan túsindirý týraly sheshim qabyldandy.

Jumys komıssııasynyń otyrysynan keıin BAQ ókilderine suhbat bergen Qorshaǵan ortany qorǵaý vıtse-mınıstri Bektas Muhamedjanovtyń atap ótýinshe, «Baıqońyr» ǵarysh aılaǵynyń aýmaǵynda geptıldiń uıǵarymdy kontsentratsııasynyń shekti deńgeıden artýy oryn almady. ıAǵnı, taqaý qonystanǵan eldi-meken turǵyndarynyń densaýlyqtaryna esh zııan kelgen joq. Ǵarysh ortalyǵynyń ekologııalyq baqylaý jáne monıtorıng qyzmeti mamandary «Ǵarysh ekologııa» ǴZO» RMK, Qyzylorda oblystyq ekologııa departamentiniń mamandarymen birlesip zalaldanǵan ýchaskeni nıtrozodımetılamınmen detoksıkatsııalaý jumystaryn bastady.

Vıtse-mınıstrdiń atap ótýinshe, zertteý jumystary aıaqtalǵannan keıin reseılik taraptan shyǵyndy óteý talaptaryn qoıý týraly másele sheshiletin bolady. Kelisimge sáıkes, detoksıkatsııalaý jáne topyraq pen aýany qalpyna keltirý shyǵyndary Reseı tarapynan ótelýi tıis.