Kelisimdi Qazaqstannyń bekitýi halyqaralyq tasymaldaý kólemin ulǵaıtýǵa yqpal etedi
ASTANA. Naýryzdyń 30-y. QazAqparat - Úkimetten Májiliske «Dońǵalaqty kólik quraldaryna, dońǵalaqty kólik quraldaryna ornatylýy jáne (nemese) paıdalanylýy múmkin jabdyqtaý zattary men bólshekterge arnalǵan birkelki tehnıkalyq uıǵarymdardy qabyldaý týraly jáne osy uıǵarymdardyń negizinde beriletin resmı bekitýdi ózara moıyndaý sharttary týraly kelisimdi ratıfıkatsııalaý týraly» zań jobasy kelip tústi,
dep habarlaıdy QazAqparat.
Zań jobasy avtomobıldik tasymaldaý salasynda halyqaralyq konventsııalarǵa jáne kelisimderge EýrAzEQ-qa múshe memleketterge qosylýy týraly Eýrazııalyq ekonomıkalyq qoǵamdastyǵy Memleketaralyq Keńesiniń 2007 jylǵy qazannyń 6-syndaǵy sheshimine sáıkes jáne avtomobıl kólikterine halyqaralyq konventsııalarǵa jáne kelisimderge Qazaqstannyń qosylýy týraly Qazaqstan Úkimetiniń 2006 jylǵy mamyrdyń 10-yndaǵy qaýlysymen bekitilgen Qazaqstan Respýblıkasynyń 2015 jylǵa deıingi kólik strategııasyn iske asyrý jónindegi is-sharalar josparynyń 3.1-tarmaǵy ázirlengen.
Kelisimdi Qazaqstannyń bekitýi halyqaralyq tasymaldaý kólemin ulǵaıtý, kólik shyǵyndaryn qysqartý, jolaýshylardy jáne júkterdi ákelý merzimin, kólik jumysyn energetıkalyq jáne ekologııalyq kórsetkishterin halyqaralyq standarttarǵa jaqyndatý, jol qozǵalysy qaýipsizdigin qamtamasyz etý úshin halyqaralyq kólik júıesin TMD-ǵa qatysýshy memleketterdiń jol-kólik keshenin yqpaldastyrý qajettiliginen týyndap otyr.
