Kelisim terrorızmge qarsy birlesken oqý-jattyǵýlardy ótkizý úshin quqyqtyq negiz jasaýǵa baǵyttalǵan
ASTANA. Qańtardyń 12-si. QazAqparat - Shanhaı yntymaqtastyq uıymyna múshe memleketterdiń terrorızmge qarsy birlesken oqý-jattyǵýlaryn uıymdastyrý jáne ótkizý tártibi týraly kelisimge 2008 jylǵy tamyzdyń 28-inde Dýshanbe qalasynda qol qoıylǵan.
Endi osy kelisimdi ratıfıkatsııalaý úshin Úkimet zań jobasy túrinde ázirlep, Májilistiń qaraýyna berdi, dep habarlaıdy QazAqparat.
Kelisim Shanhaı yntymaqtastyq uıymyna múshe memleketterdiń terrorızmge qarsy birlesken oqý-jattyǵýlardy ótkizý úshin quqyqtyq negiz jasaýǵa baǵyttalǵan jáne halyqaralyq beıbitshilik pen óńirdegi qaýipsizdikti qamtamasyz etý máseleleri boıynsha memleketaralyq qatynastar negizine úles qosý bolyp tabylady.
Kelisimdi iske asyrý áleýmettik-ekonomıkalyq jáne quqyqtyq saldarǵa ákep soqtyrmaıdy, sondaı-aq respýblıkalyq bıýdjetten qosymsha shyǵyndardy talap etpeıdi.
Osy zań jobasy Shanhaı yntymaqtastyq uıymyna múshe memleketterdiń zańnamalaryn úılestirý men bir izge keltirý sheńberinde, sondaı-aq terrorızmge qarsy is-qımyldyń quqyqtyq negizderin odan ári jetildirý maqsatynda ázirlengen.
