Kelisim taýarlardyń kedendik qunyn deklaratsııalaý tártibin retteıdi
ASTANA. Jeltoqsannyń 28-i. QazAqparat /Aıdyn Báımen/ - Úkimetten Májiliske «Keden odaǵynyń kedendik shekarasy arqyly ótkiziletin taýarlardyń kedendik qunyn deklaratsııalaý tártibi týraly kelisimdi ratıfıkatsııalaý týraly» zań jobasy kelip tústi,
dep habarlaıdy QazAqparat.
Bul Kelisimge Máskeý qalasynda 2008 jyly jeltoqsannyń 12-sinde ótken EýrAzEQ-nyń Memleketaralyq Keńesi otyrysynda Qazaqstan, Belarýs jáne Reseı elderi qol qoıdy.
Atalǵan Kelisimniń 9-babyna sáıkes kedendik qun deklaratsııasynyń nysandary men olardy toltyrý erejesi Keden odaǵy komıssııasynyń sheshimimen belgilenedi.
Keden kodeksiniń 317-babynyń 1-tarmaǵyna sáıkes kedendik qun deklaratsııasyn toltyrýdyń nysany men tártibin ýákiletti organ belgileıdi. Osy tártip Qazaqstannyń Kedendik baqylaý agenttigi tóraǵasynyń 2003 jylǵy 15 mamyrdaǵy buıryǵymen bekitilgen Kedendik qun deklaratsııasynyń nysanyn toltyrý erejesinde reglamentteledi.
«Qazaqstan Respýblıkasynyń halyqaralyq sharttary týraly» elimizdiń zańyna sáıkes Kelisim keıinnen Keden odaǵyna qatysýshy memleketter úshin kedendik qun deklaratsııasyn toltyrýdyń biryńǵaı tártibi men biryńǵaı nysanyn belgileýge baǵyttalǵan halyqaralyq-quqyqtyq aktini qabyldaýdy kózdeıtinin nazarǵa ala otyryp, Kelisim ratıfıkatsııalanýǵa jatady.
