Kelisilgen makroekonomıkalyq saıasat týraly kelisim zańmen bekitiledi
ASTANA. 14 maýsym. QazAqparat - «Kelisilgen makroekonomıkalyq saıasat týraly kelisimdi ratıfıkatsııalaý týraly» zań jobasy depýtattardyń talqysyna salýǵa daıyn.
Atalǵan zań jobasyn Májilistiń Halyqaralyq ister, qorǵanys jáne qaýipsizdik komıteti Palatanyń jalpy otyrysynyń kún tártibine usynyp otyr.
Kelisilgen makroekonomıkalyq saıasat týraly kelisim 2010 jylǵy 9 jeltoqsanda Máskeý qalasynda jasaldy.
Belarýs Respýblıkasy, Qazaqstan Respýblıkasy jáne Reseı Federatsııasy Taraptardyń kelisilgen makroekonomıkalyq saıasat júrgizý baǵyttaryn aıqyndaý jáne ony kelisý qaǵıdattaryn, tártibi men tetigin qalyptastyrý maqsatynda atalǵan Kelisimge qol qoıyldy.
Taraptardyń kelisilgen makroekonomıkalyq saıasatynyń negizgi baǵyttary Biryńǵaı ekonomıkalyq keńistik sheńberinde ıntegratsııany keńeıtý úshin Taraptardyń makroekonomıkalyq turaqtylyǵy men ekonomıkasynyń damýyn qamtamasyz etý bolyp tabylady.
