Kelintóbelik ansambl Anandıdiń aýylynda bolyp qaıtty
QYZYLORDA. QazAqparat - Kelintóbelik ansambl «Anandıdiń» aýylynda bolyp qaıtty. Ótken jyldyń qazan aıynda 31-shi telearnada uıymdastyrylǵan otbasylyq «Án-Shańyraq» baǵdarlamasyna oblys atynan Jańaqorǵan aýdany, Kelintóbe aýylynyń Bıdashevtar otbasy qatysyp, aqtyq synda Úndistanǵa otbasylyq joldama jeńip alǵan bolatyn. Jaqynda ansambl úndi eline baryp qaıtty. Bul týraly aýdan ákimdiginiń baspasóz qyzmetinen habarlady.
Bıdashevtar halyqtyq otbasylyq ansambli 1989 jyly aýdandyq mádenıet úıine qarasty Kelintóbe aýyldyq klýb úıinde qurylǵan. Jetekshisi Orazǵalı Bıdashev - joǵary bilimdi mýzykant. Ansambl músheleri zaıyby G.Bıdasheva men Baqyt, Beksultan, Baljan esimdi balalarynan turady. Ónerdi mura qylǵan otbasynyń búginge deıin qol jetkizgen jetistikteri de az emes. «Ónerde shekara degen bolmaıdy. Osy ónerimizdiń arqasynda Anandıdiń de elin kórip qaıttyq» - deıdi ansambl jetekshisi O. Bıdashev.
