Kelinshegin kólikke uryp otyrǵyzǵan shymkenttiktiń áreketi kópshiliktiń ashýyn týǵyzdy
ShYMKENT. QazAqparat - Kelinshegin kólikke uryp otyrǵyzǵan shymkenttiktiń áreketi kópshiliktiń ashýyn týǵyzdy, dep habarlaıdy QazAqparat tilshisi.
Áleýmettik jelide túngi 01:53 shamasynda belgisiz adamdar boıjetkindi kólikke uryp otyrǵyzyp, alyp ketkendigi týraly aqparat tarady. Tipti, bul kórinis vıdeoǵada túsip qalǵan. Onda qyz balanyń jylaǵan daýysy anyq estiledi. Jazba avtory Aıgúl Orynbek oqıǵanyń Shymkent qalasynda oryn alǵandyǵyn aıtty.
Al, polıtsııa departamentiniń baspasóz qyzmeti bul erli-zaıyptylardyń arasyndaǵy janjal ekendigin anyqtaǵan.
«Oqıǵa boıynsha eshqandaı adam urlaý faktisi 102 arnasyna túspegen jáne erli-zaıyptylar tarapynan aryz-shaǵymdar bolmaǵan. Azamattarǵa profılaktıkalyq jumystar júrgizilip, otbasylyq janjal boıynsha qorǵaý nusqamasy shyǵaryldy»,-delingen baspasóz qyzmeti taratqan aqparatta.
Foto: instagram.com/shymkent.city
