«Kelınka Sabınaǵa» mundaı jyly jáne oń kózqaras bolady dep kútpegen edim - Nurtas Adambaı
ASTANA. QazAqparat - Qazaq ártisi, shoýmen, rejısser jáne akter Nurtas Adambaı óziniń Feısbýktegi paraqshasynda "Kelınka Sabına" fılmine qatysty halyq yqylasy jaıyndaǵy oılarymen bólisti.
"Shynymdy aıtsam, "Kelınka Sabınaǵa" mundaı jyly jáne oń kózqaras bolady dep kútpegen edim. Ol birinshi kúnnen bastap búkil el boıynsha toly zal kórermen jınap keledi. Áleýmettik jelilerde jaqsy pikirlerdiń sanynda shek joq. Jurt óz otbasylarymen fılmge baryp, zaldan jaqsy kóńil-kúımen shyǵyp jatqandary qýantady. Men ózimdi maqtap "qandaı talantty jan edim!" deýden aýlaqpyn. "Juldyzdaný" - aqymaqtardyń isi. Men tek túsirilim tobyna, jobaǵa úles qosqan adamdarǵa, otandyq kınematografııany qoldap júrgen barlyq kórermenderge jáne árıne, sol qyzǵa rahmetimdi aıtqym keledi. Kınodaǵy Altynshash aıtqandaı: "Raqmet saǵan, Sabına!", - deıdi N.Adambaı.
Aıta keteıik, "Kelınka Sabına" Qazaqstandaǵy kınoprokatta eń tanymal fılmderdiń úzdik bestigine endi jáne bir aptanyń ishinde 110 mıllıonnan astam teńge jınap úlgerdi.
