«Kelınka Sabına» Shvetsııadaǵy halyqaralyq kıno festıvalinde jeńiske jetti
ALMATY. QazAqparat - «Kelınka Sabına» qazaqstandyq komedııalyq kınokartınasy Shvetsııadaǵy Swedish International Film Festival 2016 halyqaralyq kıno festıvaliniń júldesine ıe boldy.
«Bizdiń fılm Shvetsııadaǵy Swedish International Film Festival 2016 halyqaralyq kıno festıvalinde jeńiske jetti. Bul jeńisten keıin biz olarǵa Sabınanyń ekinshi bólimin jáne «Aýyldan qashý. Mahabbat operatsııasy» fılmderin jiberýdi uıǵardyq. Bul kartınalar da halyqaralyq festıvaldiń ádilqazylar alqasynyń kóńilinen shyǵady dep úmittenemin. Bizdiń jumystarymyzǵa jankúıerlik etken barsha janǵa alǵys bildiremin. Bizdiń ázildi sheteldikter de túsinedi», - dep jazdy óziniń Facebook paraqshasyna shoýmen, prodıýser, akter Nurtas Adambaev.
Sondaı-aq, ol Shvetsııadaǵy jeńis «Kelınka Sabınanyń» Indonezııadaǵy halyqaralyq kıno festıvalinen keıingi ekinshi júldesi ekenin atap ótti.
