«Kelin» úndi telehıkaıasynyń juldyzy Qazaqstanǵa keledi (FOTO)
ASTANA. QazAqparat - «Qazaqstan» respýblıkalyq teleradıokorporatsııasynyń shaqyrtýymen tanymal «Kelin» úndi telehıkaıasynyń basty rólderiniń biri, Shıva rólin somdaýshy (basty rólderdiń biri - Anandıdiń kúıeýi) Sıdhart Shýkhla 27 aqpan-2 naýryz aralyǵynda Astana jáne Almaty qalalaryna keledi.
2012 jyldan beri Qazaqstanda úndiniń televızııalyq kórsetiliminiń «Kelin» serıaly úzdik bolyp keledi. Ádemi keıipkerler, jaqsy dýblıaj, ádemi qoıylym reıtıng kórsetkishteriniń ósýine oń yqpal jasady.
«Kelin» - Úndistandaǵy tanymal telehıkaıalardyń biri. Kınoda áleýmettik dástúrler taqyryby qozǵalady. Telehıkaıa týǵan el men qara shańyraqty súıip, ata dástúrdi qurmetteýge shaqyrady. Bul turǵydan alǵanda, «Kelin» telehıkaıasy «Qazaqstan» telearnasynda efırge shyǵatyn otbasy men otbaslylyq qundylyqtardy dáripteýge baǵyttalǵan otandyq «Qara shańyraq» telehıkaıasymen sátti úndesip jatyr.
Sıdhart Shýkhla Mýmbaıda dúnıege kelgen. 34 jasta. Boıdaq. 2008 jyldan beri akter sheberligin shyńdap keledi. Budan buryn sán bıznesinde qyzmet atqarǵan. Syrtqy kelbeti, boıy (188 sm) da bul qyzmetke saı keledi. «Juldyzdarmen bı bıleý» shoýyna qatysqan. Ústel tennısimen jáne fýtbolmen shuǵyldanady. 2013 jyly Úndiniń Televızııa Akademııasy Sıdhartqa «Jyl ártisi» ataǵyn bergen bolatyn. Sol jyly jyl saıynǵy «Zee Gold Awards» TV syılyǵynyń nusqasy boıynsha ol eń «deneli» akter atandy. Úndiniń «Stardust» kıno týraly jýrnaly 2014 jyly ony kınoındýstrııad aǵy «Úmit kútetin jas akterlerdiń biri» dep baǵalaǵan bolatyn. Al Úndiniń jyl saıynǵy «Filmfare Awards» kınosyılyǵy úndi tilinde túsirilgen fılmderdegi jetistikteri úshin Sıdhartty «Erler debıýti-2015» syılyǵyna usyndy. Qazirgi ýaqytta Sıdhart úndiniń belgili prodıýseri Karan Djoharmen úsh fılmge túsý úshin shartqa qol qoıdy.
