«Kelin» fılmi Monakoda ótken Halyqaralyq qaıyrymdylyq kınofestıvalinde bas júlde aldy
STANA. Mamyrdyń 14-i. QazAqparat - Rejısser Ermek Tursynovtyń «Kelin» fılmi Monakoda ótken dástúrli Halyqaralyq qaıyrymdylyq kınofestıvalinde bas júldeni jeńip aldy.
Mamyrdyń 5-i men 11-i aralyǵynda ótken festıvalge ıslandııalyq aktrısa Anıta Brıem bastaǵan qazylar alqasy tórelik etti, dep habarlady «Qazaqfılm» aktsıonerlik qoǵamynyń baspasóz qyzmetinen.
«Kelin» fılmi «Úzdik oıyn fılmi» atalymynda jeńimpaz atandy. Bul atalym boıynsha onyń negizgi qarsylasy - rejısser Florıan Gallenbergenniń (Germanııa) tarıhı oqıǵaǵa negizdelgen «Djon Rabe» fılmi boldy. Ol - qytaılyqtardy ajaldan qutqarýshy úshin qolynan kelgenniń bárin jasaǵan «Siemens» korporatsııasynyń nemis dırektorynyń ómiri týraly baıandaıtyn drama.
Festıvalde úzdik oıyn fılmderimen qatar, «Úzdik derekti fılm», «Úzdik qysqametrajdy fılm» atalymdary da tanystyryldy.
