Kelimbetov «Astana» HQO-nyń seriktestigi bolatyn álemdik deńgeıdegi bırja atyn qupııa ustaýda
ASTANA. QazAqparat - Qazaqstannyń bank sektoryndaǵy «nashar» nesıe korporatıvti basqarýdaǵy problemalar. Bul týraly búgin elordada ótip jatqan «Qazaqstandyq qor naryǵyna halyqaralyq kapıtal tartý» halyqaralyq konferentsııasynda «Astana» halyqaralyq qarjy ortalyǵynyń basqarýshysy Qaırat Kelimbetov aıtty, dep habarlaıdy QazAqparat.
«Qazaqstandaǵy jekeshelindirý bıýdjettegi problemany qandaı da bir aımaqty jabý emes. Jekeshelendirý ınvestıtsııa tartý, bizdiń ınvestorlarymyzdy ártaraptandyrý úshin jasalyp jatqan shara. Eń bastysy korporatıvtik basqarýdy jaqsartý bolyp otyr. Biz korporatıvtik basqarý jaıynda kóp aıttyq. Korporatıvtik basqarýdy barlyǵy da qaǵaz júzinde jaqsy túsinedi. Іs júzinde korporatıvtik basqarý bul óte baıypty syn. 2007-2008 jyldardaǵy daǵdarys ta, qazirgi bank sektoryndaǵy «nashar» nesıeler de korporatıvtik basqarýdaǵy problemalar», - dep atap ótti Kelimbetov.
Onyń aıtýynsha, Qazaqstannyń bank sektoryndaǵy táýekel-menedjment halyqaralyq standarttarǵa saı emes.
«Sondyqtan da jańa qor naryǵynyń jumysy múldem jańa erejelerge negizdeletin bolady. Mamyr-maýsym aıynda álemdegi eń iri bırjalardyń biri «Astana» halyqaralyq qarjy ortalyǵynyń seriktestigi bolatyndyǵy resmı jarııalanady. Bul bırja Eýrazııalyq ekonomıkalyq odaqtaǵy, Ortalyq Azııadaǵy jáne «Jibek joly» ekonomıkalyq beldeýindegi eń joǵary tehnologııalyq alańda iske qosatyn bolady. Qazirgi ýaqytta kelissózder júrgizilýde. Kommertsııalyq sebepterge baılanysty ol bırjany ázirshe qupııa ustap otyrmyz», - dedi «Astana» qarjy ortalyǵynyń basqarýshysy.
