Kelimbetov AHQO men Ulttyq banktiń krıptovalıýtaǵa qatysty ustanymyn aıtty
Aıta ketsek, baspasóz máslıhaty barysynda Kelimbetovke «AHQO bıtkoındy mıllıonerlermen qalaı jumys isteıdi? Bul rette Ulttyq bankpen AHQO-nyń ustanymy qaıshy kelmeı me?» degen suraqtar qoıylǵan edi.
«Blokcheın tehnologııalaryn nemese krıptovalıýtalar turǵysynan ustanymdarymyzdyń eshqandaı qaıshylyǵy joq. Sebebi, biz múlde bólek eki baǵytta jumys júrgizemiz. Bilikti ınvestor degen túsinik bar. Demek, jınaǵan qarjysy jarty mıllıon nemese 1 mıllıon dollardan asatyn adamdar barshylyq. Sáıkesinshe, osynaý naryqtyq ortada ol adamdar óziniń jınaǵan qoryn táýekelge bara otyryp, osy operatsııalardy qoldanýy, sonyń ishinde krıptovalıýta operatsııasymen de aınalysýy yqtımal», - deıdi AHQO basqarýshysy.
Qaırat Kelimbetovtyń aıtýynsha, búkil álemde ereje boıynsha atalmysh operatsııalarǵa eshqandaı tyıym salynyp otyrǵan joq.
«AQSh, Japonııa, Shveıtsarııa sekildi elderde adamdar mundaı operatsııalarmen jumys júrgizedi. ıAǵnı, olar óz táýekelderi úshin jaýapty. Sonymen birge, osyǵan deıin krıptovalıýta álemdik ekonomıkanyń turaqtylyǵyna tóngen qaýip delinip kelse, Qarjy mınıstrleriniń sońǵy kezdesýi kórsetip otyrǵandaı, bul paıym negizsiz bolyp shyqty. Iá, retteýshiler bul máseleni jiti baqylaýyna alýy kerek», - dedi ol.
Qaırat Kelimbetov AHQO alańynda bilikti ınvestorlar úshin vırtýaldy tsıfrlyq valıýtalardyń ne ekenin naqty túsindirip bere alatyn zańnamany ázirleý arqyly pılotty jobany bastaýǵa bolatynyn atap ótti.
«Biz qazir osy sharýalardy atqaryp jatyrmyz», - dedi Qaırat Kelimbetov.
Eske sala ketsek, elordadaǵy Kongress holl ortalyǵynda Elbasy Nursultan Nazarbaevtyń qatysýymen «Astana» halyqaralyq qarjy ortalyǵynyń resmı ashylý rásimi ótti.
