Kelestikter Naýryz dýmandy keń jaılaýda atap ótti
TÚRKІSTAN. KAZINFORM — Óńirde Ulystyń uly kúni Naýryz merekesi jalǵasýda. Keles aýdanyna qarasty Qońyrtóbe eldi mekeninde ornalasqan keń jaılaýda ótken merekelik sharany 10 myńnan asa adam tamashalady.
Jazyq jaılaýda 20-dan astam kıiz úı tigilip, altybaqandar men ulttyq oıyndarǵa arnalǵan alańshalar ashyldy. Salt-dástúrler dáriptelip, túrli ult ókilderiniń ánderi shyrqaldy. Jurtshylyq qolóner sheberleri men ulttyq taǵamdardyń kórmesin tamashalady. Shara barysynda Keles aýdanynyń ákimi Jánibek Aǵybaev kópshilikti Naýryz merekesimen quttyqtady.
Merekelik jıyn aýdandyq mádenıet úıi daıyndaǵan kontserttik baǵdarlamamen jalǵasyp, túrli sahnalyq qoıylymdar kórsetildi. Sondaı-aq, tusaý keser, qyz qýý, aýdaryspaq, kókpar, arqan tartý syndy qazaqtyń ulttyq oıyndary dáriptelip, kópshilikke kóterińiki kóńil kúı syılandy. Keń dala tósinde uıymdastyrylǵan sharada elimizge tanymal estrada juldyzdary óner kórsetti.
