Kelestik saılaýshy úshem sábıin saılaý ýchaskesine ertip keldi

TÚRKІSTAN. QazAqparat - Kelestik saılaýshy úshem sábıin saılaý ýchaskesine ertip keldi, dep habarlaıdy QazAqparat tilshisi.

Túrkistan oblysy Keles aýdanynyń turǵyndary saılaýǵa belsendi qatysyp jatyr. Bul kúni saılaýǵa birinshi bolyp kelip, daýys bergen aýyl azamattary, sondaı-aq alǵash ret saılaýǵa qatysqan azamattarǵa saılaý komıssııasy tarapynan syı-sııapat kórsetildi.

Sonymen qatar 345 saılaý ýchaskesinde Qarabýra eldi mekeniniń úshemi bar otbasy óz tańdaýlaryn jasady.

«Saılaý eldegi mańyzy joǵary saıası naýqan. Bul sharaǵa qatysý árbir azamattyń mindeti. Balalarymyzdyń biri el basqarsyn degen nıetpen búgin saılaýǵa sábılerimizdi ertip keldik», - deıdi úshemniń ákesi.

Aıta keteıik, Túrkistan oblysynda saılaýshylardyń 27 paıyzy daýys berip úlgerdi.