Keleste jas kelinshek óz úıinde asylyp qaldy
TÚRKІSTAN. QazAqparat – Túrkistan oblysyndaǵy Keles aýdanynyń turǵyny óz úıinde asylyp qaldy, dep habarlaıdy QazAqparat tilshisi.
Oqıǵa 16 shilde kúni bolǵan.
Keles aýdandyq polıtsııa bólimine jedel járdem qyzmeti habarlasyp, jas áıeldiń óziniń turǵyn úıiniń aýlasynda jipke asylyp qaıtys bolǵanyn málim etken.
«Atalǵan jaıt sol kúni QR QK 105-baby 1-bóligi boıynsha tirkelip, qazirgi tańda sotqa deıingi tergeý amaldary júrgizilip jatyr. Tıisti sot-medıtsına saraptamasy taǵaıyndaldy. Polıtseıler máıitti qaraý barysynda eshqandaı zorlyq belgilerin anyqtaǵan joq» - deıdi Túrkistan oblysy polıtsııa departamentiniń baspasóz hatshysy Gúlnar Ábdijapparova.
Sondaı-aq, Gúlnar Ábdirahmanqyzynyń aıtýynsha, Keles aýdandyq polıtsııa bóliminiń basshylyǵy qaıtys bolǵan áıeldiń jaqyndarymen kezdesip, zań aıasyndaǵy jumystardyń júrgizilip jatqanyn jáne qosymsha aryz-shaǵymdary bolsa nazarǵa alynatynyn jetkizdi.
