Keleste poshta qyzmetkeri klıent shotyndaǵy qomaqty aqshany jumsap jibergen
KELES. QazAqparat – Túrkistan oblysy Keles aýdanynda poshta qyzmetkeri bireýdiń qomaqty aqshasyn zańsyz alyp, jaratyp jibergen. Onyń qylmysy jergilikti turǵynnyń polıtsııaǵa aryzdanýynan keıin áshkere boldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, jábirlenýshi poshta bólimshesindegi esepshotynan 200 myń teńgege jýyq aqshasyn belgisiz bireý sheship alǵanyn kórsetken. Osy istiń mán-jaıyn anyqtaý úshin tájirıbeli polıtseılerden jedel-tergeý toby qurylyp, qylmysqa qatysty kúdikti anyqtaldy. Ol poshtada jumys isteıtin boıjetken bolyp shyqty.
«Tergeý barysynda kúdikti jergilikti turǵynnyń aqshasyn ózi qol qoıyp, alǵany anyqtaldy. Ol óziniń qyzmetin paıdalana otyryp, qylmys jasaǵan. Qazirgi tańda kúdiktige qatysty QR QK 189 jáne 385-baby boıynsha tergeý amaldary júrip jatyr» delingen habarlamada.
Qylmystyq is boıynsha jınalǵan is-qujattar aýdandyq sotqa joldanǵan.
