Keleste mektep muǵalimderi oqýshynyń ornyna test tapsyryp bergen
Mundaı faktini oblystyq Bilim salasynda sapany qamtamasyz etý departamentiniń qyzmetkerleri anyqtady.
Departament basshysy Ǵalymjan Almatovtyń málimetinshe, oqıǵa «Bolashaq» atyndaǵy №43 jalpy orta mektepte bolǵan.
Sala jaýaptylary memlekettik attestattaýǵa baqylaýshy retinde qatysý barysynda ájethanaǵa suranyp shyqqan oqýshynyń tapsyrmalaryn kompıýterindegi paroli arqyly qashyqtan basqarylǵanyn anyqtaǵan. Onyń vıdeosy da paıda boldy. Beınejazbadan 13-shi suraq belgilenbegen qalpynda jáne qyzyl belgini kórsetip turǵanyn baıqaýǵa bolady. Alaıda oqýshy parol, logınimen qaıta kirse, bul suraqtyń jaýaby belgilengen.
Atalǵan oqıǵa boıynsha mektep dırektoryna sógis túrindegi tártiptik jaza qoldanyldy.
Al Arys qalasyndaǵy B.Momyshuly atyndaǵy №11 mektepte oqýshylardyń bilim deńgeıin testileý kezinde 9 «V» synyp oqýshysynan uıaly telefon tabylǵan. Tyıym salynǵan zattardy anyqtaý aktisi jasalyp, test tapsyrýshy aýdıtorııadan shyǵarylǵan. Bul jaǵdaıǵa qatysty da atalǵan bilim uıasynyń dırektorynyń mindetin atqarýshyǵa sógis berildi.
