Keleste qulpynaı pisti
Túrkistan oblysy, Keles aýdanyna qarasty Qazaqstan eldi mekeniniń turǵyny, jeke kásipker Ismadııar Adılov búginde qulpynaı egip, kásibinen násibin taýyp otyrǵan jandardyń biri.
«1 gektar jerge egilgen qulpynaıdan jylyna 15-20 tonna ónim alamyn. Jaqsy ónim alý úshin alqaptyń topyraǵyn qunarlandyrýǵa da kóńil bólip otyrý kerek. Qulpynaı ylǵaldy topyraqta ósedi. Topyraqtyń ylǵaldylyǵyn saqtaý úshin onda tyńaıtqyshtar tógilip, tıisti kútim jasaımyn», - deıdi sharýa.
Dıqannyń byltyr kúzde ekken qulpynaı ónimi qazir jetilip tur. Búgin elimizdiń ishki naryǵyna úshinshi terimin shyǵardy.
«Qulpynaıdyń birinshi teriminen 200 keli ónim aldym. Al, ekinshi terimi 800 kelige jýyq ónim berdi. Úshinshi terimde ónim kórsetkishi taǵy da artty. Qazir 1 gektardan 4 tonna ónim jınap otyrmyn», - deıdi Ismadııar Adılov.
Ónimge suranys elimizdiń iri qalalalarynan jáne oblys aýmaǵyndaǵy aýdandardan kelip túsýde. Osylaısha dıqan tilimdeı jerden jyldyq azyq jınaýǵa bel sheshe kirisip otyr.
