Keleste kósheler men kópirler jóndelýde -Túrkistan oblysy
KELES. QazAqparat – Túrkistan oblysynda «Aýyl – el besigi» baǵdarlamasy aıasynda kóshelerdi orta jóndeý jumystary bastaldy. Keles aýdanynyń ortalyǵy Abaı aýylynda 23 kóshe jóndelip, júrginshiler joldar salynyp jatyr, dep habarlaıdy QazAqparat tilshisi.
Jańadan qurylǵan aýdanda jaryq shamdar qoıylyp, kóshe tegistelmek. Jalpy aýdan ortalyǵynda 23 kóshe orta jóndeýden ótedi dep josparlanǵan Olardyń qatarynda T.Ryskulov, D.Qonaev, Aldanazanov, T.Tumyshev, S.Maldybekov, Kysh zaýyty, A.Moldagulova, Qurylys, B.Ermekov, B.Ospanov, T.Rysqulov tuıyq kóshesi, B.Qyrǵyzalıev, Órkenıet, Naýryz, Abaı, A.Mamytbaıuly jáne Shyǵys mólek aýdanynyń kósheleri bar. Jolǵa jaýapty sala mamandarynyń aıtýynsha, jol jóndeý jumystary qazan aıynda aıaqtalýy dep kútilýde. Al, eldi-mekenderdegi ishki kósheler aýdandyq bıýdjetten bólingen qarjyǵa jóndelmek. Bul baǵytta 59 shaqyrymdy quraıtyn 32 kóshe qalpyna keltiriledi dep kútilýde. Sondaı-aq, Keles aýdanyna qarasty Oshaqty jáne Jeti tóbe eldimekenderin bólip turatyn kópirde jóndelip jatyr.
Aıta keteıik, atalǵan kópir 1970 jyly salynǵan. Syry men syny ketken kópirden kólikterdiń jáne adamdardyń ótýi qıyndaǵan bolatyn. Qazirgi tańda eski kópir tolyǵymen buzylyp, jańasynyń irgetasy qalandy. Ondaǵy qurylys jumystary jyl sońyna aıaqtalady dep josparlanýda.
