Keleste anasy men qyzyn óltirgen kúdiktini alqa bıler sottaıdy
TÚRKІSTAN. KAZINFORM — Birshama ýaqyt buryn aýyl turǵyny bir otbasyndaǵy anasy men onyń 16 jastaǵy qyzyn asa qatygezdikpen óltirgen bolatyn. Kúdikti de kóp uzamaı qolǵa tústi. Ol jergilikti turǵyn bolyp shyqty.
Túrkistan oblysy sotynyń baspasóz qyzmeti atalǵan iske qatysty sot isi ashyq túrde ótetindigin málimdedi.
«Eki adamnyń ólimine qatysty kúdiktiniń isin alqa bıler qaraıdy. Qazir alqa bılerdi irkiteý protsesi júrip jatyr. Sot otyrysy ashyq túrde ótedi» — dedi vedomstvo aqparatynda.
Aıta keteıik, áleýmettik jelide taraǵan aqparatqa súıensek, muǵalim bolyp qyzmet atqaratyn er adam 16 jasar qyzǵa tıisip kelgen. Muny bilgen anasy kúdiktiniń ústinen aryz túsiripti. Sodan keıin jumystan qýylǵan ol bir úıdiń eki adamynan kek alǵan kórinedi.
Al, Túrkistan oblystyq bilim basqarmasynyń baspasóz qyzmeti atalǵan oqıǵa boıynsha kúdikke alynǵan er adam bilim salasynda qyzmet atqarmaıtyndyǵyn málimdedi.
