Keleste 9 joba iske asyrylyp, 100-den astam jumys orny ashyldy

TÚRKІSTAN. QazAqparat - Óńirlik ındýstrııalandyrý kartasy aıasynda Keles aýdanynda jyl basynan beri 9 joba iske asyryldy. Jobalardyń jalpy quny - 592,1 mln teńge, dep habarlaıdy QazAqparat oblys ákiminiń baspasóz qyzmetine silteme jasap.

Atalmysh jobalar aıasynda 100-den astam jumys orny ashyldy. Sondaı-aq, aldaǵy jyly 3 iri jobany iske asyrý kózdelip otyr. Olardyń jalpy quny - 4 mlrd 100 mln teńge. Atalǵan jobalar júzege assa, 90 adam jumyspen qamtylmaq. Bul týraly Túrkistan oblysynyń Óńirlik kommýnıkatsııalar qyzmetinde ótken brıfıngte Keles aýdanynyń ákimi Aqmentaı Esbaev málim etti.

Aldaǵy jyly aýdanda «Ońtústik Agroprodakshn» JShS 310 gektar aýmaqqa jerge grek jańǵaǵyn ekpekshi. «Bes Qara» JShS 400 gektar jerge qarqyndy baý ósiredi, al «Kóshim» ShQ balyq ósirý jáne balyq etin óńdeý jobasyn iske asyrady.

«Óńirde belsendi kásipkerlik sýbektiler sany - 7279. Olardyń sany ótken jylmen salystyrǵanda 1,2 paıyzǵa artqan. Óndirilgen ónim men kórsetilgen qyzmet kólemi 23,2 mlrd teńgeni qurap, bıýdjetke tólengen salyq tólemi 5,3 paıyzǵa artty. Sonymen qatar, negizgi kapıtalǵa baǵyttalǵan ınvestıtsııa kólemi 3020,5 mln teńgeni qurap otyr», - dedi Aqmentaı Úsenuly.

Aýyl sharýashylyǵy salasynda jylyjaı jyl basynan beri 10,6 gektar aýmaqqa salynǵan bolsa, tamshylatyp sýarý ádisi 287 gektar jerge engizilgen. Aǵymdaǵy jyly jalpy quny 15 mlrd 579 mln teńgeni quraıtyn 24 nysannyń qurylysy júrgizilip jatyr.

Aýdanda 38 eldimeken tabıǵı gazben qamtylǵan. 2019 jyly tabıǵı gazben qamtýdy aýdanda 86,3 paıyzǵa jetkizý kózdelip otyr. 83 eldimekenniń aýyz sýmen qamtylǵany - 40.