Keleste 4 birdeı sharýashylyq balyq ósirýmen aınalysady

TÚRKІSTAN. QazAqparat - Túrkistan oblysynda balyq sharýashylyǵyn damytý isi jolǵa qoıylǵan. Mysaly, Keles aýdanynda balyq sharýshylyǵymen aınalysatyn 4 sharýashyq jumys júrgizýde, dep habarlaıdy QazAqparat óńirlik kommýnıkatsııalar qyzmetine silteme jasap.

Olardyń barlyǵy da sońǵy tehnologııalarmen jabdyqtalǵan. Sonyń biri - Qoshqarata aýyldyq okrýginde ornalasqan «Jaqsylyq jasaý» aýyl sharýashylyǵy óndiristik kooperatıvi.

Mekeme basshysy kooperatıv negizin 2018 jyly qalap, quny 250 mln teńge bolatyn jobany iske qosqan. Bul qarjynyń jartysyn, ıaǵnı 125 mln teńgeni Úkimet tarapy sýbsıdııa retinde bólgen.

Memlekettiń qoldaýynyń arqasynda kooperatıvtiń tasy órge domalap, sharýashylyq kúnnen kúnge órkendep jatyr. Sýmen qamtý jóninen de eshqandaı qıyndyqtar joq.

«Ushqyn» eldimekenindegi 250 gektar aýmaqtaǵy balyq ósiretin aımaqqa sý Aşy kanalynan keledi.
Sharýashylyqta jergilikti aýyl turǵyndarynan 15 adam turaqty jumyspen qamtylǵan. Alaıda karantındik shekteýlerge baılanysty búginde 6 adam jumys jasap isteýde. Olar balyqty uryqtandyrý, uryǵy men ýyldyryǵyn alý tehnologııalaryn jetik meńgergen.

Kooperatıv basshysy aldaǵy ýaqytta qyzmetkerler sanyn qaıta kóbeıtý men sharýashylyq qýattylǵyn arttyrýdy josparlap otyr.

Balyq ósirý sharbaǵynda 15 myńǵa jýyq balyq bar. Qazirgi kórsetkish jospardaǵydan áldeqaıda tómen. Sebebi munda áli qurylys jumystary tolyqtaı bitpegen.

Jumystar tolyqtaı bitken soń bul sharýashylyq memleket deńgeıindegi ımporttyq jáne eksporttyq taýar shyǵaratyn kásiptik nysan bolyp, ishki ekonomıkanyń damýyna úlken kómegin tıgizeri anyq.