Keleste 1 gektarǵa jýyq alqapqa kóknár ekken azamattar ustaldy
ABAI. QazAqparat - Keles aýdanynda 1 gektarǵa jýyq egistik alqabyna egilgen kóknár tabyldy, dep habarlaıdy QazAqparat Túrkistan oblystyq polıtsııa departamentiniń baspasóz qyzmetine silteme jasap.
Keles aýdandyq polıtsııa bólimi krımınaldyq polıtsııa bólimshesiniń polıtseıleri jedel-aldyn alý is-sharasy aıasynda aýdannyń barlyq aımaǵyn tintip, tekserý jumystaryn júrgizdi.
«Nátıjesinde Keles aýdanyndaǵy aýyldardyń biriniń egistik alqabynan esirtki tektes kóknár ósimdigin tapty. Aýdannyń tártip saqshylary anyqtalǵan jaıtqa qatysty tergep-tekserý jumystaryn júrgizdi. Esirtki tektes ósimdik egilgen egistik alqabynyń jalpy aýmaǵy - 1 gektarǵa jýyq. Aýmaq tikendi metall symmen qorshalǵan jáne atalmysh ósimdik júgeri daqylymen aralastyryp egilgen» delingen habarlamada.
Polıtseıler aıǵaq retinde egistik alqabynan kóknár esirtki zatyna uqsas 7 myń túpten astam ósimdikti tárkiledi. Saraptama qorytyndysy boıynsha, zertteýge usynylǵan ósimdiktiń «uıyqtatatyn kóknár» ekeni belgili boldy. Jalpy salmaǵy - 300 keliden asady.
Oqıǵa ornynda quryqtalǵan aǵaıyndy eki azamatqa qatysty QR Qylmystyq kodeksiniń 300-baby boıynsha qylmystyq is qozǵaldy. Qazirgi ýaqytta atalǵan iske baılanysty tergeý amaldary jalǵasýda. Kúdiktiler qamaýǵa alynǵan.
Polıtseılerdiń aıtýynsha, mundaı iske barǵan azamattar, esirtki ekkender, ony satyp jáne ózgelerge usynǵandar mindetti túrde jazalanady.
