Kelesi jyly janarmaı baǵasy qalaı ózgerýi múmkin - mınıstr boljam jasady
«Buǵan deıin de aıtqanymyzdaı, kelesi 180 kúnge arnalǵan birlesken buıryqqa qol qoıylǵan. Jyldyń sońyna deıin baǵa ózgermeıdi. Kelesi jyly qalaı bolatynyn kóremiz. Áriptesim Maǵzum Maratuly aıtty ǵoı, baǵanyń aıyrmashylyǵy qazirgi ýaqytta edáýir bolyp tur. Eki jyl buryn Reseı men Qazaqstandaǵy baǵa aıyrmashylyǵy 60-80 teńge bolatyn. Al Qyrǵyz Respýblıkasymen tipti birdeı edi. Keıingi eki jylda parqy qalaı ózgergeni ózderińizge málim – eki ese aıyrmashylyq bar. Baǵanyń qalaı bolatyny naryqqa baılanysty. Biraq sonshalyqty qatty ósedi dep josparlap otyrǵan joqpyz», - dedi mınıstr.
Onyń málimeti boıynsha, qazir ishki naryqqa jetkilikti janar-jaǵarmaı shyǵarylyp jatyr.
Al bul – qazaqstandyqtar úshin janarmaı baǵasy aıtarlyqtaı óspeıtinin bildiretin kórsetkish.
«2020 jyly tamyz aıynda naryqqa 424 myń tonna dızel jetkizilgen. Eshqandaı tapshylyq bolǵan joq. Bylaıǵy halyqqa da, dıqandarǵa da erkin ejtken. Bıyl tamyz aıynda 517 myń tonna jetkizdik. 2020 jylǵydan 100 myń tonna artyq degen sóz. Keı stansalardyń dızel joq degeni, Maǵzum Maratuly aıtqandaı, kóleńkeli eksportqa baılanysty. Odan keıin bizde tranzıttik kólik kóp ótedi. Sonda da óz ónimderimiz ózimizge jetkilikti bolyp tur. ıAǵnı, kelesi jyly da baǵa aıtarlyqtaı ósedi degen boljam joq. Qabyldaǵan sharalardyń bári naryqty retke keltirgen kezde anyq bolady. Eshqandaı baǵany qatty kóterý máselesi josparda joq», - dedi Energetıka mınıstri.
Foto: ortcom.kz
