Kelesi jyly tutas Qyzylorda oblysy gazben qamtylady - Kósherbaev
ASTANA. QazAqparat - Qyzylorda oblysynyń ákimi Qyrymbek Kósherbaev óńirdi gazben qamtý boıynsha júrgizilip jatqan jumystar jóninde baıandady, dep habarlaıdy QazAqparat tilshisi.
Onyń aıtýynsha, ázirge óńir halqynyń 63 paıyzy tabıǵı gazben qamtylǵan.
"Endi gazben qamtylmaǵan úsh aýdan qaldy - Qarmaqshy, Syrdarııa, Jalaǵash aýdandaryna kelesi jyly gaz jetkiziledi", - dedi Q. Kósherbaev QR Úkimetinde ótken baspasóz máslıhatynda.
Óńir basshysynyń aıtýynsha, atalǵan jumystar QR Energetıka mınıstrligimen jáne "QazMunaıGaz" ulttyq kompanııasymen birlesip júrgizilýde.
Sondaı-aq, Qyrymbek Kósherbaev Qyzylorda oblysynyń ortalyqtandyrylǵan aýyz sýmen qamtý boıynsha eń úzdik kórsetkishterge ıe ekendigin atap ótti.
"Halyqtyń 95 paıyzy ortalyqtandyrylǵan sýmen jabdyqtalǵan", - dep óz sózin tolyqtyrdy ákim.
