Kelesi jyly Túrki elderi ýnıversıtetteriniń ortaq jelisi qurylýy múmkin - TMU sammıti

SAMARQAND. QazAqparat - Túrki memleketteriniń bilim jáne ǵylym salasyndaǵy yntymaqtastyǵyn nyǵaıtý qajet. Bul týraly Prezıdent Túrki memleketteri uıymynyń kezekti sammıtinde aıtty, dep habarlaıdy QazAqparat.

«Osyǵan oraı, biz 2023 jyly Qazaqstanda ІІ Túrki ýnıversıadasyn uıymdastyrýdy josparlap otyrmyz. Ony Túrki ýnıversıtetteri odaǵy aıasynda ótkizýge bolady», - dedi Prezıdent.

Onyń paıymynsha, uıymǵa múshe memleketter akademııalyq utqyrlyqty damytyp, stýdentter arasynda mádenıetaralyq dıalog ornatýǵa jaǵdaı jasaýy kerek.

«Sondaı-aq, joǵary oqý oryndarynyń biryńǵaı bilim berý keńistigin qalyptastyrý qajet. Sondyqtan, 2023 jyly Túrki elderi ýnıversıtetteriniń ortaq jelisin qurý múmkindigin qarastyrýdy usynamyn. Bul bastama stýdentterimizdiń túrki tilderin úırenip, baýyrlas elderdiń tynys-tirshiligimen tanysýyna jol ashady», - dedi Qasym-Jomart Toqaev.