Kelesi jyly memlekettik qyzmetkerlerge eńbekaqy tóleý jańa tásilmen júrgiziletin bolady
ASTANA. QazAqparat - 2016 jyldan bastap memlekettik qyzmetkerlerge eńbekaqy tóleý júıesi jańa tásilmen belgilenetin bolady. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Memlekettik qyzmet jáne sybaılas jemqorlyqqa qarsy is-qımyl agenttiginiń apparat basshysy Aıgúl Shaıymova málim etti.
«Eshkimge jasyryn emes, bir deńgeıde qyzmet atqaratyn memlekettik qyzmetshiler jumys kóleminiń ártúrli bolǵanyna qaramastan, birdeı jalaqy alady. Syıaqyny da isine qarap berilmeıdi. Sondyqtan Memleket basshysynyń tapsyrmasyn sapaly oryndaý maqsatynda kelesi jyldan bastap, memlekettik qyzmetkerlerge eńbekaqy tóleý faktorly-baldyq shkala tásilimen taǵaıyndalady. Atalǵan shkalada laýazym ıerarhııasyn ǵana emes, naqty bir qyzmetshige salynyp otyrǵan mindetterdiń mańyzdylyǵy, jumystyń jaýapkershiligi men onyń naqty kólemi eskeriletin bolady. Sonymen qatar, memlekettik organnyń strategııalyq maqsatyna qosqan úlesi de nazarǵa alynady. Ol segiz faktorǵa baılanysty laýazymdardy bóledi. Ol faktorlar: qyzmetkerlerdi basqarý, jaýapkershilik, derbestilik, jumys ótili, arnaıy bilim deńgeıi, baılanys deńgeıi, jumys aýyrlyǵy men qabyldaǵan sheshimderiniń nátıjesi», - dedi ol. - Osylaısha, bir kategorııaǵa jatatyn qyzmtkerler ártúrli jalaqy alýlary yqtımal».
Onyń aıtýynsha, faktorly-baldyq shkala tásili memlekettik qyzmetkerlerge eńbegine saı ádil jalaqy alýyna múmkindik beredi. Faktorly-baldyq shkala tásili AQSh, Kanada, Ulybrıtanııa, Sıngapýr, Malaızııa, Jańa Zelandııa elderinde engizilgen.
