Kelesi jyly Qordaıdan koronavırýsqa qarsy vaktsına shyǵaryla bastaıdy - Berdibek Saparbaev
NUR-SULTAN. QazAqparat – Jambyl oblysynyń Qordaı aýdanyndaǵy koronavırýsqa qarsy vaktsına óndiretin zaýyt zaýyt osy jydyń aıaǵynda iske qosylady, dep habarlaıdy QazAqparat tilshisi.
«Memleket basshysy Qasym-Jomart Toqaevtyń tapsyrmasymen indetke baılanysty bizdiń Qordaı aýdanynda vaktsına shyǵaratyn zaýyt salynyp jatyr. Ol jerde memleketimizdiń bıologııalyq qaýipsizdigin qamtamasyz etý jóninde ınstıtýt bar. Olar qazir brýtsellezge, dermatıtke, qus tumaýyna baılanysty vaktsına shyǵarady. Qazir endi ol jerde jańa zaýyt boı kóterýde. Ol zaýyt jylyna kem degende 30 mıllıonnan 60 mıllıon dozaǵa deıin koronavırýsqa qarsy vaktsına shyǵarady», - dedi Jambyl obylysynyń ákimi Ortalyq kommýnıkatsııalar qyzmetinde ótken baspasóz máslıhatynda.
Jospar boıynsha osy jyldyń aıaǵynda zaýyt iske qosylmaq.
«Kelesi jyly naýryz aıynda vaktsına shyǵarady. Úkimettiń kómegi men qoldaýy bar. Sonda jumys isteıtin qyzmetkerlerdi qoldaý úshin ol jerde turǵyn úı salynyp jatyr. Birinshi 90 páterlik turǵyn úı kelesi jyly paıdalanýǵa beriledi. Qalǵan 2 úıdiń qurylysyn kelesi jyly bastaımyz. Osyndaı vaktsınalardy shyǵarý úshin jaqsy mamandardy tartýymyz kerek. Sondyqtan qazir sonda jumys isteıtin mamandardyń jalaqysyn kóterý máselesi pysyqtalyp jatyr», - dedi ol.
