Kelesi jyly qazaq tiliniń orfografııalyq sózdigi memlekettik termınologııa komıssııasynyń maquldaýymen, Úkimet qaýlysymen basyp shyǵarylady

Bul týraly búgin Úkimette Premer-Mınıstr Kárim Másimovtiń tóraǵalyǵymen ótip jatqan Tildirdi qoldaný men damytýdyń 2011-2020 jyldarǵa arnalǵan memlekettik baǵdarlamasynyń jobasyn talqylaýǵa arnalǵan keńeıtilgen májilistiń otyrysynda QR Mádenıet mınıstri Muhtar Qul-Muhammed málim etti.

Osy ýaqytqa deıin orta mektepti bitirgen balalardyń shyǵarmalaryn baǵalaýda keleńsizdikterge ushyrap otyrǵanymyzdy aıtqan mınıstrdiń sózine qaraǵanda, áli kúnge deıin Reseı ne bolmasa Rossııa dep jazý naqty anyqtalmaǵan.

Mınıstrdiń aıtýynsha, buǵan deıin jaryq kórgen orfografııalyq sózdikterdi árkim ártúrli shyǵarǵan. Ony bireýler moıyndasa, kelesiler moıyndamaıdy.

«Eger ol Úkimet qaýlysymen qabyldanatyn bolsa, onda barlyq orta mektepter, JOO-lar úshin normatıvtik qujat dárejesinde bolady. Sondyqtan osy baǵdarlamanyń aıasynda kelesi jyly qazaq tiliniń orfografııalyq sózdigin shyǵarýdy aıaqtaıtyn bolamyz», - dedi mınıstr.

Sondaı-aq mınıstrdiń atap ótýinshe, kelesi jyly osy baǵdarlama aıasynda 30 tomdyq qazaq tiliniń salalyq termınologııalyq sózdigi jaryq kórmek.

«Ol da Úkimet qaýlysymen bekitiletin bolady», - dep naqtylaı tústi mınıstr.