Kelesi jyly ınflıatsııa 7,5-9,5 paıyzǵa deıin baıaýlaıdy

NUR-SULTAN. QazAqparat – 2023 jyly ınflıatsııa 7,5-9,5 paıyzǵa deıin baıaýlaıdy. Bul týraly búgin Úkimet otyrysynda QR Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«2023 jyly ınflıatsııa aqsha-kredıt saıasaty salasynda qabyldanyp otyrǵan sharalar, syrtqy ınflıatsııalyq qysymnyń birtindep tómendeýi jáne iske asyrý josparlanyp otyrǵan kontrtsıkldik bıýdjettik qaǵıda aıasynda birtindep 7,5-9,5 paıyzǵa deıin baıaýlaıdy. Ulttyq bank táýekelderdiń qazirgi balansyn eskere otyryp, bıylǵy 6 maýsymda bazalyq mólsherlemeni 14 paıyz deńgeıinde saqtady. Jańa shoktar bolmaǵan jaǵdaıda bazalyq mólsherlemeniń qazirgi deńgeıin saqtaý orta merzimdi perspektıvada baǵanyń ósýin tejeýge áser etedi», - dedi Ulttyq bank tóraǵasy.