Kelesi jyly elordany abattandyrýǵa 45,2 mlrd teńge jumsalady
Astana qalasy máslıhatynyń turaqty komıssııasynyń otyrysynda ekonomıka jáne bıýdjettik josparlaý basqarmasynyń basshysy Erǵalı Egemberdiniń bergen málimetinshe, aldaǵy 3 jylda «Almaty» aýdanyna 55,3 mlrd teńge, «Saryarqa» aýdanyna 35,6 mlrd teńge, «Esil» aýdanyna 51,1 mlrd teńge jalpy alǵanda úsh jylda 3 aýdanǵa 142 mlrd teńge bólý qarastyrylǵan.
Aýdandarǵa bólingen qarajattyń basym bóligi kólik ınfraqurylymyn damytýǵa, joldardyń qurylysy men olardy jóndeý jumystaryna jáne turǵyn úı aýlalaryn abattandyrýǵa baǵyttalady.
«Keler 2018 jyly «Almaty» aýdanyna 17,9 mlrd teńge, «Saryarqa» aýdanyna 11,4 mlrd teńge, «Esil» aýdanyna 15,9 mlrd teńge qarjy bólý qarastyrylǵan», - dedi ekonomıka jáne bıýdjettik josparlaý basqarmasynyń basshysy Erǵalı Egemberdi.
Sonymen qatar, Erǵalı Egemberdi basqarmalarǵa bólinetin úsh jyldyq bıýdjet qarjysynda atady. Mysaly Astana qalasynyń Ekonomıka jáne bıýdjettik josparlaý basqarmasyna 1,6 mlrd teńge qarjy bólý qarastyrylǵan. Bul qarajat bıýdjettik ınvestıtsııalyq jobalardyń tehnıkalyq-ekonomıkalyq negizdemelerin jobalaýdy aıaqtaýǵa, bilim jáne densaýlyq, tabıǵatty paıdalaný, jolaýshylar kóligi jáne avtomobıl joldary salalaryndaǵy jobalardy konsýltatsııalyq súıemeldeýge baǵyttalady.
Astana qalasynyń qarjy basqarmasyna úsh jyldyq negizde 98,3 mln teńge bıýdjet qarastyrylǵan. Bólingen qarjy jergilikti atqarýshy organdardyń qyzmet kórsetý jáne boryshyn óteý, bıýdjettik alymdar jáne jergilikti atqarýshy organnyń rezervine baǵyttalady.
Astana qalasynyń kommýnaldyq múlik jáne memlekettik satyp alý basqarmasyna úsh jylǵa 1,6 mlrd teńge qarastyrylǵan. Bul qarajat kommýnaldyq múlik obektilerin baǵalaý, jekeshelendirýge jatatyn mekemelerde aýdıt júrgizý, kópsalaly «Barys Arena» muz aıdyny jumysyn qamtamasyz etý, kommýnaldyq menshik obektileriniń tehnıkalyq qujattamasyn daıyndaý boıynsha qyzmetterge baǵyttalady.
