Kelesi jyly elordada 250 oryn arnalǵan kópbeıindi balalar statsıonary paıdalanýǵa beriledi

dep atap ótti Astana qalasynyń ákimi Imanǵalı Tasmaǵambetov qala aktıvimen ótken jıyn barysynda.

Onyń atap ótýinshe, densaýlyq saqtaý júıesinde sońǵy 3 jylda 10 túrli emdeý mekemeleri paıdalanýǵa berildi, bul aýrýhana tósek-oryndarynyń jetkilikti sanymen qamtamasyz etýge múmkinidk berdi.

«Qazirgi ýaqytta bizdiń kúsh-jigerimiz emhana býynyn damytýǵa baǵyttalǵan. Kúni keshe ǵana Táýelsizdik kúninde 500 tósek-orynǵa arnalǵan kópbeıindi statsıonar paıdalanýǵa berildi. Biz birinshi qalalyq aýrýhananyń shatatyn, qyzmetkerlerin osynda aýystyrdyq. Kelesi jyl biz 250 oryn arnalǵan kópbeıindi balalar statsıonaryn paıdalanýǵa beremiz. Taǵy eki nysan, atap aıtqanda úlkenderge jáne balalarǵa arnalǵan juqpaly aýrýlar aýrýhanasy salynýda», - dedi ákim. Sonymen qatar onyń atap ótýinshe, qala aldynda beıindi emhanalar boıynsha mindetter tur. Atap aıtqanda, týberkýlezge qarsy dıspanser salý mindeti qoıylǵan.

«Densaýlyq saqtaýdaǵy ekinshi problema emhana býynymen baılanysty. Bizge taıaý 2-3 jyldyń ishinde bul máseleni joq degende 5-10 jylda densaýlyq saqtaýda problema týyndamaýy úshin sheshýimiz kerek», - dedi I.Tasmaǵambetov.