Kelesi jyly elorda aýdandary gazben qamtylady

NUR-SULTAN. QazAqparat – Kelesi jyly elorda aýdandary gazben qamtylady.

Bul týraly QR Energetıka vıtse-mınıstri Murat Júrebekov «Saryarqa» gaz qubyry qurylysynyń birinshi kezeńin iske asyrý týraly dóńgelek ústelde aıtty, dep habarlaıdy QazAqparat tilshisi.

«Jospar boıynsha Saryarqa gaz qubyryn Nur-Sultan qalasyna alyp keldik. Ekinshi másele: Nursultan, Qaraǵandy, Temirtaý óńirlerin gazben qamtamasyz etý. Ákimdiktiń qoldaýymen osy baǵytta tıisti jumystar júrgizilýde», - deıdi QR Energetıka vıtse-mınıstri Murat Júrebekov.

Ol ákimdik aqparatyna súıenip, Nur-Sultan qalasyndaǵy aýdandardy gazben jabdyqtaý jumystary kelesi jyly bitetinin aıtty.

Eske sala ketsek, buǵan deıin «Saryarqa gaz qubyrlaryn tóseý jumystary 100% aıaqtalǵany týraly jazǵan bolatynbyz.