Kelesi jyly elde ótetin Májilis depýtattarynyń kezekten tys saılaýyna saılaýshylardyń 67,2 paıyzy qatysady dep kútilýde
ASTANA. 26 jeltoqsan. QazAqparat /Aıdar Ospanalıev/ - 2012 jyldyń 15 qańtaryna ótkizý josparlanyp otyrǵan Parlament Májilisi depýtattarynyń kezekten tys saılaýyna saılaýshylardyń 67,2 paıyzy qatysady.
Áleýmettik-saıası zertteýler ınstıtýty ókilderiniń saýalnama nátıjeleri osyndaı. Saýalnama jumystarynyń qorytyndysymen búgin jýrnalıstermen bolǵan brıfıngide Áleýmettik-saıası zertteýler ınstıtýtynyń dırektory Aıgúl Sádýaqasova tanystyrdy.
Onyń aıtýynsha, zertteý 6-16 jeltoqsan aralyǵynda Qazaqstannyń barlyq oblystaryndaǵy jasy 18-den asqan azamattar arasynda júrgizilgen. Saýalnamaǵa 2 myń adam qatysqan. «Olardyń 67,2 paıyzy ózderine qoıylǵan «Májilis depýtattarynyń saılaýynda daýys beresiz be?», - degen saýalǵa «ıá» dep jaýap berdi. Al osy saılaýda «Siz qandaı partııaǵa daýys beresiz?» degen saýal boıynsha respondentterdiń 80,5 paıyzy - «Nur Otan» halyqtyq-demokratııalyq partııasyna, 7,0 paıyzy - «Aq jol» demokratııalyq partııasyna, 2,4 paıyzy - jalpyulttyq sotsıal-demokratııalyq partııasyna, 2,0 Qazaqstannyń kommýnıstik halyq partııasyna, 1,1 - «Ádilet» demokratııalyq partııasyna, 0,6 paıyzy - Qazaqstannyń patrıottar partııasyna, 0,4 paıyzy - Qazaqstannyń sotsıal-demokratııalyq «Aýyl» partııasyna, 0,1 paıyzy - «Rýhanııat» partııasyna daýys beretindikterin aıtty. Al respondentterdiń 5,9 paıyzy kimge daýys beretindikterin áli sheshpegen», - dedi ınstıtýt dırektory.
