Kelesi jyly buryn bolmaǵan kólemde mektepterdi salý bastalady – Sholpan Karınova

NUR-SULTAN. QazAqparat – «Jaıly mektep» ulttyq jobasy aıasynda 800 myńnan astam oqýshyǵa arnalǵan mektep salynady. Sondaı-aq, úsh aýysymdy jáne apatty jaǵdaıdaǵy mektepterdiń problemasy sheshiledi. Bul týraly Oqý-aǵartý mınıstriniń birinshi orynbasary Sholpan Karınova málim etti, dep habarlaıdy QazAqparat tilshisi.

«Memleket basshysy «Jaıly mektep» ulttyq jobasyn iske asyrý týraly tapsyrma berdi. Atalǵan ulttyq joba sheńberinde 800 myńnan astam oqýshyǵa arnalǵan mektep salynady. Sondaı-aq, úsh aýysymdy jáne apatty jaǵdaıdaǵy mektepterdiń problemasy sheshiledi. «Jaıly mektep» jobasy aıasynda biryńǵaı qurylys jáne jabdyqtaý standarty qoldanylady. ıAǵnı joba sheńberinde ashylatyn mektepter zamanaýı pándik kabınettermen tolyq qamtamasyz etilmek. Jańa mektepterde oqý alańdary ulǵaıady», - dedi Sholpan Karınova mınıstrlikte ótken apparat jınalysynda.

Sonymen qatar ulttyq joba aıasynda ashylatyn mektepter oqý zerthanalary, robototehnıka kabınetteri, sport zaldary, ámbebap sheberhana jáne stýdııalarmen qamtylady.

«Bastaýysh synyptarǵa, joǵary synyp oqýshylyryna da jeke bloktar qarastyrylady. Sáıkesinshe olardy bólek sportzaldarmen, bólek ashanalarymen qamtamasyz etiledi. Kelesi jyly buryn bolmaǵan kólemde mektepterdi salý bastalady. Aıtar bolsaq, tek elorda boıynsha aldaǵy jyly, ulttyq joba sheńberinde árqaısysy 2 myńǵa orynǵa arnalǵan 20 jańa mekteptiń qurylysyn bastaýdy qala ákimdigimen birge josparlap otyrmyz», - deıdi ol.

Odan bólek, mınıstrdiń orynbasary Prezıdenttiń tapsyrmasyna sáıkes áleýmettik turǵydan osal otbasyda turatyn balalar mektep formasymen tegin qamtylatyn jáne balalarǵa arnalǵan bilim berý shotynyń engiziletini týraly aıtyp berdi.

Buǵan deıin Sholpan Karınova balabaqsha tárbıeshileri jalaqysynyń basqa pedagogterdikinen áldeqaıda tómen ekenin aıtqan edi.

Mınıstr Ashat Aımaǵambetov Memleket basshysynyń bıylǵy Joldaýynda kóterilgen bilim máseleleri boıynsha jumys tobynyń qurylǵanyn jetkizdi.