Kelesi jyly «Batys Eýropa-Batys Qytaı» dáliziniń 1 myń shaqyrymy salynbaq - Kólik mınıstri
ASTANA. 20 jeltoqsan. QazAqparat /Qanat Mámetqazyuly/ - 2011 jyly «Batys Eýropa - Batys Qytaı» dáliziniń 1 myń shaqyrymyn salý josparlanyp otyr.
Bul týraly búgin QR Parlamenti Májilisinde ótken Úkimet saǵatynda Kólik jáne kommýnıkatsııa mınıstri Ábilǵazy Qusaıynov osylaı málim etti.
Aldymen aǵymdaǵy jyly atqarylǵan sharalarǵa toqtalǵan mınıstr «Batys Eýropa-Batys Qytaı» halyqaralyq tranzıttik dálizin 2010 jylǵy eń basty ınfraqurylymdyq joba retinde atap ótti. «Osy joba aıasynda bıylǵy jyly 378 shaqyrym jol salý kózdelgen bolatyn. Alaıda, kúzgi mezgildegi qolaıly aýa raıyna baılanysty jańa dálizdiń 417 shaqyrymyna jol jamylǵysy qamtamasyz etildi. Onyń ishinde 60 shaqyrym tsement-beton jamylǵy bolyp tabylady», - dedi mınıstr.
Vedomstvo basshysynyń aıtýynsha, halyqaralyq tranzıttik dáliz jobasy aıasynda enshiles salalardy qosa eseptegende 34,2 myń adam jumyspen qamtylyp, 4,5 myń tehnıka jumyldyrylǵan. 20 mln. tekshe metrden astam ınertti materıaldar men topyraq óńdeldi. Al aýqymdy jobadaǵy qazaqstandyq qamtý 89 paıyzǵa jetken.
«Kelesi 2011 jyly «Batys Eýropa-Batys Qytaı»dáliziniń 1000 shaqyrymyn salý josparlanyp otyr. Onda 50 myńǵa tarta adam jumysqa tartylady», - dedi Kólik mınıstri.
