Kelesi jyly Astanada tropıkalyq ósimdikter ósetin botanıkalyq baq ashylady
ASTANA. QazAqparat - Munyń kóbisi qalalyqtardyń usynysy boıynsha súrilgen apatty eski úılerdiń ornyna salynady, dep habarlaıdy elorda ákimdiginiń medıa ortalyǵy.
Sebebi, qalalyqtardy astanany kógaldandyrý men ekologııasy alańdatady. Bıyl qalanyń ońtústik-batys jaǵy, Taldykól sý qory men áýejaı jaqqa orman tektes jasyl aǵashtar egildi.
Al Astananyń ózinde 30 myńǵa jýyq aǵash otyrǵyzyldy. «Astananyń jasyl beldeýi» jobasy boıynsha 2012 jyldan bastap 2,1 mıllıon kóshet otyrǵyzyldy. Búginde Astanada 10 saıabaq, 4 býlvar, 95 gúl baǵy bar. Onyń beseýi 2017 jyly ashyldy.
Budan basqa, 2018 jyly botanıkalyq baq ashylady. Onyń aýmaǵynda klımattyq ereksheligi bar shól jáne tropıkalyq aımaqtyń ósimdikteri bolady. Búginge deıin 24 myń aǵash, 12 myń jas kóshet egilip, qoldan sý qoımasy jasalyndy. 42 myń sharshy metr velojol, 23 myń júgirme jol, 86 myń sharshy metr tas tóselgen jol salyndy. Botanıkalyq baq Astana turǵyndary men qonaqtary úshin eń súıikti demalys ornyna aınalady dep kútilýde.
