Kelesi jyly 2,3 myń shaqyrym joldy jóndeý josparlanǵan - kólik mınıstrligi

ASTANA. 26 jeltoqsan. QazAqparat - Kelesi jyly 2,3 myń shaqyrym joldy jóndeý josparlanǵan. Bul týraly búgin Ortalyq kommýnıkatsııalar qyzmetinde ótken brıfıngte QR Kólik jáne kommýnıkatsııa mınıstri Asqar Jumaǵalıev aıtty.

«Respýblıkalyq joldar júıesine keler bolsaq, kelesi jyly biz shamamen 2,3 myń km joldy jóndeýdi josparlap otyrmyz. Onyń ishinde negizgi nazar halyqaralyq dálizderdi odan ári jańǵyrtý, jóndeý jumystary bıyl bastalǵan «Astana-Pavlodar», «Astana-Temirtaý», «Almaty-Qapshaǵaı» jáne «Almaty-Qorǵas» avtojoldaryna aýdarylatyn bolady. Osy tusta «Batys Eýropa - Batys Qytaı» avtomagıstrali týraly aıtar bolsaq, 2013 jyly áýelde josparlanǵandaı 806 kılometr boıynda qozǵalys ashyldy», - dedi mınıstr.