Kelesi jylǵa qaraı memlekettik organdarǵa túsetin qaǵaz túrindegi korrespondentsııalar 10 mln. qujatqa deıin qysqaratyn bolady - A. Jumaǵalıev
ASTANA. 20 maýsym. QazAqparat - 2013 jylǵa qaraı memlekettik organdarǵa túsetin qaǵaz túrindegi korrespondentsııalar 10 mln. qujatqa deıin qysqaratyn bolady.
Bul týraly búgin Astanada memlekettik qyzmetterdi ońtaılandyrý jáne avtomattandyrý máselelerine arnalǵan dóńgelek ústel barysynda Kólik jáne kommýnıkatsııa mınıstri Asqar Jumaǵalıev málim etti.
«Memleket basshysynyń júktegen mindetterin júzege asyrý barysynda biz áleýmettik mańyzdy qyzmetterdiń 60 paıyzyn elektrondy formatqa aýystyrýymyz jáne olardy berýdi ońtaılandyrýymyz qajet. Budan bólek, aldaǵy ýaqytta ruqsat berý qujattarynyń 80 paıyzy avtomattandyrylady», - dedi A.Jumaǵalıev.
Onyń aıtýynsha, osyndaı jumystyń nátıjesinde, máselen lıtsenzııa alýǵa qatysty talap etiletin tizimnen qujattyń 853 túri qysqarýy kútiledi.
