Kelesi jylǵa deıin Pavlodar munaı zaýytyna Reseı munaıy kepildi túrde kelip turady - Parlament
ASTANA. 7 naýryz. QazAqparat - Búgin QR Parlamenti Senatynyń jalpy otyrysynda «2010 jylǵy 9 jeltoqsandaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge ózgerister engizý týraly hattamany ratıfıkatsııalaý týraly» zańy qabyldandy.
Qujat Memleket basshysynyń qol qoıýyna joldanady.
Osy Hattamaǵa oraı, joǵarydaǵy kelisimniń 6 jáne 7-baptaryna ózgerister engizý kózdelgen. Oǵan sáıkes, Qazaqstanǵa munaı ónimderin jetkizý máselesi Qazaqstannyń ishki qajettilikterin qanaǵattandyrý úshin eki memlekettiń aýmaqtarynda munaı ónimderiniń bekitilgen ındıkatıvtik balanstarynyń parametrleri kóleminde taraptardyń quzyretti organdarymen kelisilgen nomenklatýra boıynsha júrgiziledi. Budan bólek, hattamaǵa engiziletin ózgerister 2013 jylǵy 31 jeltoqsanǵa deıin munaı ónimderiniń ishki naryǵyn qamtamasyz etý maqsatynda Pavlodar munaı-hımııa zaýytyna Reseı munaıynyń jáne Reseı óndirgen ashyq tústi munaı ónimderiniń kepildi túrde jetkizilýine yqpal etetin bolady.
