Kelesi jyldyń basynda qazaqsha saıt redaktorlarynyń konferentsııasy bolady - E. Qarın

 ASTANA. 22 jeltoqsan. QazAqparat - 2013 jyldyń qańtar aıynda qazaqsha saıt redaktorlarynyń konferentsııasy ótedi.

Bul týraly búgin «Astana ınternet forýmy 2012» aqparattyq tehnologııa salasyndaǵy respýblıkalyq forýmynda «Nur Otan» HDP Bas hatshysy Erlan Qarın málimdedi.

Onyń aıtýynsha, bul forým ǵalamtor salasynda eńbek etip júrgen qazaq tildi jastardyń uıymdastyrýymen óteıin dep otyr.

«Qudaıǵa shúkir, búginde turaqty túrde jumys istep kele jatqan, óziniń turaqty oqyrmandary bar qazaq saıttary kóbeıip kele jatyr. Mine, atalmysh forýmda solardyń redaktorlarynyń basyn qosyp, ortaq máselelerdi talqylap, qazaq tildi ınternet aýdıtorııasyn keńeıtý joldary talqylanatyn bolady», - dep atap ótti E. Qarın.