Kelesi jyldan bastap jyl saıyn 1600 eldi meken gazben qamtamasyz etiledi - Elbasy
ASTANA. QazAqparat - Kelesi jyldan bastap biz jyl saıyn 1600 eldi mekendi gazben qamtamasyz etýdi josparlap otyrmyz. Bul týraly búgin Astanada Qazaqstannyń ÚIID memlekettik baǵdarlamasy boıynsha 2014 jyldyń І jartyjyldyǵynyń nátıjelerin shyǵarý barysynda Memleket basshysy N. Nazarbaev málim etti.
Onyń aıtýynsha, jýyq arada Úkimet elimizdi gazben qamtamasyz etýdiń 2030 jylǵa deıingi bas syzbanusqasymen tanystyrady.
«Jýyq ýaqytta men elimizdi gazben qamtamasyz etýdiń 2030 jylǵa deıingi bas syzbanusqasyn kútip otyrmyn. Kelesi jyldan bastap biz jyl saıyn 1600 eldi mekendi gazben qamtamasyz etýdi josparlap otyrmyz. Sonyń nátıjesinde 12 mln adam gazben qamtylady dep kútýdemiz. Bul biz úshin óte mańyzdy tapsyrma bolyp tabylady», - dep atap ótti Elbasy.
