Kelesi jyldan bastap satylatyn maldy tek arnaıy oryndarda soıý qajettigi týraly zań normasy jurtshylyqty alańdatyp otyr - T. Syzdyqov
ASTANA. Jeltoqsannyń 23-i. QazAqparat /Qanat Mámetqazyuly/ - Kelesi jyldan bastap satylatyn maldy tek arnaıy soıý alańdarynda nemese arnaıy oryndarda soıý qajettigi týraly zań normasy jurtshylyqty alańdatyp otyr.
Búgin QR Parlamenti Májilisiniń jalpy otyrysynda Aýyl sharýashylyǵy mınıstriniń atyna joldanǵan saýalynda depýtat Tıto Syzdyqov osylaı málim etti, dep habarlaıdy QazAqparat.
«Jaqynda veterınarııa máselelerine arnalǵan zań qabyldanǵan edi. Bul zań boıynsha 2010 jyldyń qańtarynan bastap azamattar óz menshigindegi malyn soıyp satý úshin maldy arnaıy salynǵan mal soıý alańdarynda nemese et kombınattarynda ǵana soıa alatyn bolady. Soıylǵan mal týraly qujat alyp, ettiń syrtyna onyń arnaıy orynda soıylǵandyǵy týraly mór basylýy shart. ıAǵnı, budan bylaı azamattar ózi baqqan malyn ózi soıyp sata almaıtyn boldy degen sóz. Ókinishke qaraı, zańǵa men qarsy bolyp edim, soǵan qaramastan qujatta osyndaı bap qabyldandy. Endigi kúni halyq arasynda osy máselege alańdaýshylyqtar kóbeıe tústi. Qazir aýyldarda, tipti aýdandarda da arnaıy mal soıý alańdary joq. Sondyqtan da maldy soıyp satý úshin jurt tiri malyn kólikke artyp bálenbaı shaqyrym jerdegi mal soıý alańdaryna barýy kerek eken, soıý alańyndaǵy qyzmetterge qarajat shyǵyndaý taǵy bar», dedi T. Syzdyqov.
Depýtat óz sózinde eldi mekenderde, jurtshylyqqa qolaıly óńirlerde mal soıý alańdarynyń joqtyǵy máseleni odan saıyn aýyrlatatynyn alǵa tartyp, bundaı olqylyqty jedel joıý qajettigin aıtty. Onyń aıtýynsha, zańǵa sáıkes az ǵana malymen kúnin kórip, ózdiginen jumyspen qamtylyp otyrǵan halyq taǵy da deldaldyqqa urynyp, mal qunyn amalsyz arzandatyp satýǵa májbúr bolaıyn dep tur. «Bunda mal soıý máselesine daıyndyqtyń qalaı júrgizilip jatqany belgisiz. Egerde, buǵan tıisti deńgeıde daıyndyq bolmasa onda zańdaǵy osy bapty ýaqytsha bolsa da toqtata turý qajet», dedi depýtat.
