Kelesi jyldan bastap Memlekettik Tý men Eltańbany ázirleýge lıtsenzııany alý úshin lıtsenzıar-organǵa qujattar tapsyrýdyń qajeti bolmaıdy - mınıstrlik
Bul týraly QR Kólik jáne kommýnıkatsııa mınıstrliginiń baspasóz qyzmetinen habarlady.
Qazirgi ýaqytta bul qujatty qazaqstandyqtar 30 kúnniń ishinde ala alady, júıe avtomattandyrylǵannan keıin bul merzim 15 kúnge deıin qysqarady. Budan ózge, memlekettik derekter qorynda bar aqparattar boıynsha birqatar anyqtamalar men kýálikterdi usynýdyń qajeti bolmaıdy. Atap aıtqanda, jeke kýálik pen STN, JK nemese zańdy tulǵanyń tirkelgeni týraly kýálik, t.b. qujattardyń kóshirmeleri talap etilmeıdi. Memlekettik organdardyń aqparattyq júıeleriniń vedomstvoaralyq ózara yqpaldasýyna oraı qajetti qujattar qoljetimdi bolyp otyr.
Budan ózge, lıtsenzııanyń kóptegen túrleri men ruqsattamalar úshin qujattardyń skan kóshirmelerin tapsyrýdyń qajeti bolmaıdy. Onyń ornyna ótinim berýshi «www.elicense.kz» portalynda kórsetilgen tıisti málimetter úlgisin toltyrsa jetkilikti. Portaldy qoldanýshy óziniń elektrondyq tsıfrlyq qoltańbasyn (ETsQ) qoıý arqyly ózi týraly jáne ózge de málimetterin rastaıdy.
Mysaly, kelesi jyldan bastap Qazaqstan Respýblıkasynyń Memlekettik Týy men Memlekettik Eltańbasyn ázirleýge lıtsenzııany «www.elicense.kz» elektrondyq lıtsenzııalaý portaly arqyly alý úshin lıtsenzıar-organǵa qujattar tapsyrýdyń qajeti bolmaıdy.
Aıtyp ótý kerek, mınıstrlik atalǵan jumystardy Memleket basshysynyń aǵymdaǵy jyly Qazaqstan halqyna arnaǵan Joldaýynda aıtylǵan 2012 jyldyń sońyna deıin áleýmettik mańyzǵa ıe memlekettik qyzmet kórsetýlerdiń 60 paıyzyn jáne lıtsenzııalardyń barlyq túrin elektrondyq nusqaǵa kóshirý týraly tapsyrmasyn iske asyrý aıasynda ótkizýde.
Memleket basshysynyń tapsyrmasyn júzege asyrý aıasynda aǵymdaǵy jyly lıtsenzııanyń barlyq túrleri men ruqsat berý qujattarynyń 80 túrin elektrondyq nusqaǵa kóshirý kózdelýde.
